მეტროსადგურ "გოცირიძესთან", ზესტაფონის ქუჩაზე ათეულობით გარემოვაჭრე დააჯარიმეს, - ამის შესახებ "თავისუფალი საქართველოს" წარმომადგენელმა გია ყრუაშვილმა განაცხადა.მისი თქმით, ამ ქუჩაზე მდებარე ჯიხურებში მომუშავე რამდენიმე მოვაჭრეს საგადასახადო სამსახურმა სოლიდური ჯარიმა გამოუწერა. მათ შორის, ერთ-ერთი 80 წლის ქალბატონი მზესუმზირისა და 5-თეთრიანი კანფეტის გაყიდვის გამო 500 ლარით დააჯარიმეს.
თავად მოვაჭრეების განცხადებით, რამდენიმე დღის წინ მათთან მისულები იყვნენ შემოსავლების სამსახურის წარმომადგენლები. ერთ-ერთმა თანამშრომელმა მოვაჭრეებს 500-ლარიანი ჯარიმა გამოუწერა, ნაწილს კი სიტყვიერი გაფრთხილება მისცა.
მათი თქმით, შემოსავლების სამსახურის წარმომადგენლები ინდმეწარმის საბუთს და სალარო აპარატის დადგმას სთხოვენ.
"ინტერპრესნიუსი"
