ნატო-ს სამხედროებსა და ჩრდილოეთ კოსოვოში მცხოვრებ სერბებს შორის მორიგი შეტაკება მოხდა. რუსული მედიის ინფორმაციით, ქალაქ ზუბინ-პოტოკთან შეტაკებას ნატო-ს 25 მშვიდობისმყოფელი ემსხვერპლა. დაჭრილები არიან თავად ადგილობრივი მაცხოვრებლებიც.შეტაკება მას შემდეგ დაიწყო, რაც ნატო-ს სამხედროებმა სერბეთის საზღვართან, ჯერ კიდევ ზაფხულიდან მოყოლებული რკინის კონსტრუქციებით გადაკეტილი გზის გახსნა სცადეს.
მომხდარის შესახებ განცხადება უკვე გააკეთა ნატო-ს ძალების სარდლობამ. მისი მტკიცებით, მშვიდობისმყოფელებს ცეცხლი თავად ადგილობრივმა მაცხოვრებლებმა გაუხსნეს.
"საპასუხოდ, სამხედროებმა მხოლოდ ცრემლმდენი გაზი და რეზინის ტყვიები გამოიყენეს", - აცხადებს ნატოს ძალების სარდლობა.
ჩრდილოეთ კოსოვოში მოსახლეობის უდიდეს ნაწილს ეთნიკური სერბები შეადგენენ. ბევრი მათგანი კოსოვოს მიერ 2008 წელს გამოცხადებულ დამოუკიდებლობას არ აღიარებს.
"ინტერპრესნიუსი"
