ლიბიის ლიდერი მუამარ კადაფი ებრაელი წარმოშობის აღმოჩნდა. როგორც ისრაელში გამომავალი გაზეთი "ისრაელ ხა-იომი" იუწყება, გიტა ბოარონის ბებია და მუამარ კადაფის ბებია დები იყვნენ.”მუამარის ბებია მუსულმანი გახდა და შეიხს ცოლად გაჰყვა. ებრაელებში რჯული და წარმომავლობა დედის მხრიდან გადადის თაობებში. მუამარის დედა და ბებია ებრაელები იყვნენ. გამოდის მუამარიც ებრაელია”, - განაცხადა გაზეთ ”ისრაელ ხა-იომის” ჟურნალისტთან გიტა ბოარონიმ.
მისივე ინფორმაციით, მუამარი სანამ დიქტატორი გახდებოდა "კარგი ბიჭი იყო" და მასთან სხვა ნათესავ ბავშვებთან ერთად ხშირად თამაშობდა.
”მე მუამარი ბოლოს ისრაელში გამომგზავრებამდე ვნახე. მე 13 წლის ვიყავი, ის კი 7 წლის”, - აღნიშნავს 75 წლის მუამარ კადაფის ბიძაშვილი.
"ინტერპრესნიუსი"
