ისრაელში მოვლენები არაბული სცენარით ვითარდება. თელ-ავივის ყველაზე ფეშენებელური ქუჩის - როტშილდის ბულვარის მოსახლეობა გაოცებული დარჩა, როდესაც 22 ივლისს დილით ქუჩაში გაშლილი ასეულობით კარავი დაინახა. კარვების გაშლით ებრაელები საკვები პროდუქტების, საწვავისა და საცხოვრებელი ბინების გაძვირებას აპროტესტებენ. დემონსტრანტებს შორის, ძირითადად, სტუდენტები და ახალგაზრდები არიან. ისინი აცხადებენ, რომ ფასების ზრდა მათ ქვეყნის დატოვებას აიძულებს.

აქციის ორგანიზატორები მთავრობისგან საცხოვრებლი ბინების ბაზარზე ფასების დარეგულირებას მოითხოვენ. 4 წლის განმავლობაში ბინის ქირა თელ-ავივში 60%-ით გაიზრდა. ისრაელში საშუალო წლიური შემოსავალი 29 000 დოლარს შედგენს. შემოსავლის 30-50% მოქალაქეებს ბინის საფასურის ანაზღაურებაზე ეხარჯებათ. თელ-ავივი ამჟამად ახლო აღმოსავლეთის ყველზე ძვირ ქალაქად მიიჩნევა.

თელ-ავივის გარდა, კარვებს იერუსალიმში, ბეერშებეში, ჰაიფეში, კირიატ-შემონსა და სხვა ქალაქებშიც შლიან.

ბენიამინ ნეტანიაჰუს მთავრობას იმაში ადანაშაულებენ, რომ მან ქვეყნის ეკონომიკა რამდენიმე ოლიგარქს ჩაუგდო ხელში.

23 ივლისს ჰაბიმის მოედანზე მსხვილმასშტაბიანი საპროტესტო აქცია უნდა გაიმართოს, რაც ოპოზიციის ძალების პირველი დემონსტრირება იქნება.

მომზადებულია kp.ru-ს მიხედვით.