სოციალურ ქსელში დარეგისტრირებულმა პუტინის მხარდამჭერი გოგონების ჯგუფმა კონკურსი გამოაცხადა. კონკურსში - "პორვუ ზა პუტინა" - გოგონები იღებენ მონაწილეობას. მათ უნდა წარმოადგინონ ვიდეო, რომელზეც ჩანს, თუ როგორ იხევენ ისინი ტანზე ტანსაცმელს პუტინის მხარდასაჭერად. გამარჯვებულს "აიპად 2" ერგება.

ერთ-ერთი გოგონა ირწმუნება, რომ ის "ჭკუას კარგავს ადამიანზე, რომელმაც ქვეყნის ცხოვრება შეცვალა". "პუტინს მილიონობით ადამიანი ენდობა, მაგრამ არიან ისეთებიც, რომლებიც მას ჭუჭყს სცხებენ. შესაძლოა იმიტომ, რომ მისი ეშინიათ. შესაძლოა, საკუთარი სისუსტის გამო, იმიტომ რომ ისინი არასდროს აღმოჩნდებიან მის ადგილზე", - ამბობს "პუტინის არმიის" ჯგუფის წევრი.

ერთ-ერთ ვიდეორგოლში გოგონას მაისური აცვია, რომელზეც კონკურსის სახელწოდება ტუჩის საცხითაა დატანილი. გოგონა მაყურებელს ეკითხება "საკუთარი პრემიერ-მინისტრის გულისთვის" რაზე არიან წამსვლელები, რის შემდეგაც ის მაისურს ტანზე იხევს.

იხილეთ ვიდეო

მომზადებულია korrespondent.net-ის მიხედვით.