ისრაელის თავდაცვის სამინისტრომ ოთხდონიანი ანტისარაკეტო თავდაცვითი სისტემის შექმნის გეგმა შეიმუშავა, რომელიც უახლოეს დღეებში ქვეყნის ხელისუფლებას განსახილველად გადაეცემა. როგორც ებრაული საინფორმაციო სააგენტო "უაი-ნეტი" იტყობინება, ეს ანტისარაკეტო თავდაცვითი სისტემა "საგანგებო სიტუაციებში რეაგირების ნაციონალური გეგმის" ნაწილია და ის ისრაელს ნებისმიერი სარაკეტო თავდასხმის შემთხვევაში, მსოფლიოში ყველაზე დაცულ ქვეყნად აქცევს.გეგმის რეალიზაცია, რაც 2015 წლისთვის იგეგმება, ისრაელს 2-2,5 მლრდ დოლარი დაუჯდება. ქვეყნის თავდაცვით უწყებაში ვარაუდობენ, რომ 2015 წელს ირანს ბირთვული იარაღი და ბალისტიკური რაკეტები ექნება.
თავდაცვის სამინისტროს მონაცემებით, ანტისარაკეტო თავდაცვითი სისტემის პირველი დონე "ეროუ-3"-ის, "ხეც-2"-ის ან "სტრელა-3"-ის სისტემებზე იქნება დაფუძნებული, რომლებსაც ატმოსფეროს ფარგლებს გარეთ ირანული "შახაბ-3"-ის მსგავსი ბალისტიკური რაკეტების განადგურება შეუძლია.
მეორე დონის მთავარ იარაღს - "ეროუ-2"-ს ატმოსფეროში შემოსული რაკეტების განადგურება შეუძლია. სისტემის ძირითადი საყრდენი მესამე დონე იქნება, რომელსაც შეუძლია გაანადგუროს როგორც გრძელი მანძილის არტილერიის ჭურვები, ასევე მიწიდან ან ზღვიდან გაშვებული ფრთოსანი რაკეტები. სისტემის მეოთხე დონეა "რკინის გუმბათი", რომელიც ებრაელებს მცირე რადიუსის მოქმედების რაკეტებისგან დაიცავს.
ანტისრაკეტო თავდაცვითი ყველა სისიტემა ამერიკულ და ებრაულ კოსმოსურ თანამგზავრებთან დაკავშირებული, ერთ ქსეილში გაერთიანებული რადარებით იქნება აღჭურვილი.
მომზადებულია itar-tass.com-ის მიხედვით.
