შარლიზ ტერონი დიზაინერი ხდება

ცნობილი მსახიობი შარლიზ ტერონი წითელ ხალიჩასა თუ ყოველდღიურ სამოსში ყოველთვის გამოირჩეოდა უზადო გემოვნებით. ახლა კი ვარსკვლავს სურს, საკუთარ სტილს ყველა აზიაროს. მსახიობი დიზაინერი ხდება და მოდურ ბრენდს ქმნის.

გავრცელებული ინფორმაციით, შარლიზის მოდური ხაზი დემოკრატიული იქნება. სამოსი იქნება ყოველდღიური და ამასთან, არ ეღირება ძალიან ძვირი.

ჟურნალ The Hollywood Reporter-ის ინფორმაციით, შარლიზი სტილისტ ლესლი ფრიმართან და ჯინსების ხაზების სხვა წარმომადგენლებთან ერთად იმუშავებს.

მომზადებულია The Hollywood Reporter-ის მიხედვით.