ალესანდრა ამბროსიო დიზაინერი ხდება

Victoria’s secret-ის ცნობილი მოდელი ალესანდრა ამბროსიო მოდის ბრენდს Alé by Alessandra-ს ქმნის.

ამერიკული ლეიბლის Cherokee-ის დახმარებით, ალესანდრა მაღაზიების გახსნას მსოფლიოს მასშტაბით 45 ქვეყანაში აპირებს. ბრენდის პირველი კოლექცია 2014 წლის გაზაფხულზე გამოვა. სამოსი 18-35 წლის ქალბატონებისთვის შეიქმნება და ხელმისაწვდომი ფასიც ექნება.

როგორც ალესანდრას წარმომადგენლები აცხადებენ, კოლექციები თავად ალესანდრას სტილს ასახავს. მათში იქნება როგორც ყოველდღიური, ისე გამოსასვლელი სამოსი.

"ჩემთვის ეს უბრალოდ ჰობი არ არის. უკვე 15 წელია მოდელი ვარ და დიზაინი ჩემი კარიერის განვითარების შემდეგი ეტაპია. საცვლების დემონსტრირებას არ შევწყვეტ, თუმცა ჩემს ბიზნესსაც დიდ დროს დავუთმობ. ვიცი, რა მომწონს და მინდა, რომ როგორც მომხმარებელი, ბოლომდე კმაყოფილი ვიყო", - აცხადებს ალესანდრა ამბროსიო.

მომზადებულია popcornnews.ru-ს მიხედვით.