"ნურავის შერცხვება და შეეშინდება ამის თქმის, რომ ჩვენი მომავალი არის ევროპა!" - რას წერს კახა კალაძე ფეხბურთელების განცხადებებზე
თბილისის მერი, ვეტერანი ფეხბურთელი კახა კალაძე ეხმიანება ფეხბურთელების განცხადებებს, სადაც ისინი საქართველოს ევროპული კურსის მიმართ გამოთქვამენ მხარდაჭერას.
"რა თქმა უნდა, საქართველოს მომავალი არის ევროპა! ვინმე ამაზე კითხვის ნიშანს სვამს? თუ რაიმე წარმატებას მივაღწიეთ ევროინტეგრაციის გზაზე, ქართული პასპორტით ევროპულ ქვეყნებში რომ თავისუფლად გადავადგილდებით ვიზის გარეშე, ეს "ქართული ოცნების“ ხელისუფლების პირობებში მოხდა. ხელი მოეწერა ასოცირების ხელშეკრულებას, მივიღეთ კანდიდატის სტატუსი.
პირობას გაძლევთ, რომ სწორედ "ქართული ოცნების“ პირობებში შევალთ ევროკავშირში.
ფეხბურთელების გზავნილები არის ის, რაც არის ჩვენი სულისკვეთება - ჩვენი მომავალი არის ევროპა! სწორედ ასე წარმოგვიდგენია ჩვენი ქვეყანა, რომ ევროპული ღირებულებებით ვიცხოვროთ.
პირველ რიგში, ევროპა საქართველოში და აქ მინდა, ჩვენი შვილებისთვის და მომავალი თაობებისთვის. ჩვენი წინაპრებიც ამისთვის იბრძოდნენ, რომ ვყოფილიყავით თავისუფლები და დამოუკიდებლები! ნურავის შერცხვება და შეეშინდება ამის თქმის, რომ ჩვენი მომავალი არის ევროპა!", - წერს კახა კალაძე "ფეისბუქის" ოფიციალურ გვერდზე.
- ნახეთ ასევე:
- "არა რუსეთს, საქართველოს გზა ევროპაშია, მადლობა არავინ გადამიხადოს, რადგან იმას ვამბობ, რაც ყველა ქართველმა უნდა თქვას" - ბუდუ ზივზივაძე
- ჯაბა კანკავასა და გიორგი ჩაკვეტაძის "ინსტაგრამსთორები" თბილისში მიმდინარე პროტესტის მხარდასაჭერად - რას წერენ ფეხბურთელები?
- "საქართველოს გზა ევროპაშია, წინ ევროპისკენ" - ხვიჩა კვარაცხელია