"კაცი მაღაზიაში პროდუქტებზე ჩავიდა და ავტომატით დაცხრილეს" - მკვლელობა ფონიჭალაში

სოფელ ფონიჭალაში 39 წლის რასიმ ისაევი მოკლეს. მას ზურგში რამდენჯერმე ესროლეს. შსს-ს ინფორმაციით, მომხდარზე გამოძიება სისხლის სამართლის კოდექსის 108-ე და 236-ე მუხლით არის აღძრული, რაც მკვლელობასა და იარაღის უკანონო შეძენა-შენახვა-ტარებას გულისხმობს. kvirispalitra.ge მომხდარზე გარდაცვლილის ახლობელს ესაუბრა:

- ახალგაზრდა, მშრომელი კაცი მოკლეს, 3 მცირეწლოვანი შვილის მამა, რომელიც 39 წლისაც არ იყო. კაცი საღამოს 5 საათზე გამოვიდა შინიდან, 50 მეტრის დაშორებით მდებარე მაღაზიაში პროდუქტი რომ ეყიდა და სახლში 10 წუთში უნდა დაბრუნებულიყო, ის კი საავადმყოფოდან გარდაცვლილი მიუყვანეს ოჯახს. გამვლელებმა ნახეს, როდესაც ქუჩაში სისხლისაგან იცლებოდა და მათ წაიყვანეს საავადმყოფოში.

- ასე ახლო მანძილზე ოჯახს გასროლის ხმა არ გაუგია?

- არა, არ გაუგიათ. ირგვლივ უამრავი მანქანა დადის. ხმაურია. ოჯახს კიდეც რომ გაეგო გასროლა, რას იფიქრებდა, რომ რასიმი მოკლეს. ამას ვერავინ იფიქრებდა, იმიტომ, რომ რასიმის ჩხუბი არავის ახსოვს. გააგრძელეთ კითხვა