ნუკი კოშკელიშვილმა შვილი სვეტიცხოველში მონათლა - ფოტოები ნათლობიდან

მოდელმა და ტელეწამყვანმა ნუკი კოშკელიშვილმა ახლადშეძენილი ვაჟი მონათლა. ნათლობა 22 სექტემბერს, სვეტიცხოვლის საკათედრო ტაძარში შედგა. კოშკელიშვილი "ინსტაგრამის" ოფიციალურ გვერდზე წერს, რომ ეს დღე მისთვის ძალიან მნიშვნელოვანი იყო და ნათლობის ფოტოებსაც ავრცელებს:

"ჩემთვის ძალიან მნიშვნელოვანი იყო ოლივერის გაქრისტიანება... და დღეიდან ის ქრისტიანია. ოლივერ ნიკოლას ხაიმი მოინათლა!" - წერს ნუკი და ინტერნეტმომხმარებლებისგან მილოცვებს იღებს.

პატარა ოლივერი მამა პეტრე კოლხმა მონათლა, ბავშვის ნათლობის სახელი ნიკოლოზია.

ნუკი კოშკელიშვილი და მისი მეუღლე - ბენ ხაიმი პირველი შვილის მშობლები ივნისში გახდნენ. წყვილი აშშ-ში ცხოვრობს, თუმცა ზაფხულის შვებულებას საქართველოში ატარებს და ნუკიმ შვილის ნათლობა ამ პერიოდს საგანგებოდ დაამთხვია.