72 წლის სტალონე და მისი ულამაზესი გოგონები - მსახიობი ოჯახთან ერთად მეგობრის ქორწილში იმყოფებოდა

უქმეები 72 წლის სილვესტერ სტალონემ ოჯახთან ერთად გაატარა. ცოლთან, 50 წლის ჯენიფერ ფლაინთან და გოგონებთან - 22 წლის სოფიასთან, 20 წლის სისტინთან და 16 წლის სკარლეტთან ერთად ის მეგობრის ქორწილში იმყოფებოდა, ოჯახური ფოტო კი მსახიობმა "ინსტაგრამზე" გააზიარა.

სოციალური ქსელის მომხმარებლები ფოტოს კომენტარებში კომპლიმენტებს არ იშურებენ - თაყვანისმცემლები აღნიშნავენ, რომ "რემბოს" არაჩვეულებრივი ოჯახი ჰყავს.

სტალონეს შვილები უკვე დიდი ხანია, საზოგადოების ყურადღების ცენტრში არიან. გოგონები ერთად გამოჩნდნენ ჟურნალის Harper's Bazaar გარეკანზე, მოგვიანებით კი სისტინი და სოფია Dolce&Gabbana-ს სარეკლამო კამპანიის ვარსკვლავებად იქცნენ.

გოგონებმა გადაწყვიტეს, კარიერაში დედის კვალს გაჰყოლოდნენ და მსახიობობას მოდის ინდუსტრია არჩიეს.