ფრანგული მედია - საფრანგეთის პოლიციამ სუპერმარკეტის შტურმი განახორციელა

ფრანგული მედიის ინფორმაციით, საფრანგეთის პოლიციამ სუპერმარკეტის შტურმი განახორციელა და შეიარაღებული თავდამსხმელი ლიკვიდირებულია.

არსებული ინფორმაციით, შეიარაღებული პირი ადგილობრივი დროით 11:15 საათზე, ტრების კომუნაში მდებარე სუპერმარკეტ Super U-ში შევიდა და მძევლები აიყვანა.

ადგილზე მობილიზებული არიან პოლიციისა და სპეცრაზმის წარმომადგენლები. პროკურატურამ საქმის ძიება ტერორიზმის მუხლით დაიწყო. მედიის ინფორმაციით, მძევლების აყვანის შედეგად ორი ადამიანია დაღუპული.