"გამოჩნდებიან წარსულში გაცნობილი ადამიანები..." - რა გავლენას მოახდენს ზოდიაქოს ნიშნებზე  მომდევნო 1 თვე

ასტროლოგი გიორგი ლობჟანიძე სოციალურ ქსელში რეტროგრადული მერკურის შესახებ წერს, რომელიც 16 აპრილამდე ზოდიაქოს ნიშნებზე სხვადასხვა სახის გავლენას მოახდენს:

"ხვალიდან უკვე პლანეტა მერკური, რომელიც განაგებს გონებას, ინტელექტს და კომუნიკაციურ ველს - ხდება უკუსვლითი, ანუ იღებს რეტროგრადულ კურსს, შესაბამისად ჩვენ გვმართებს მეტი თავდაჭერა აღნიშნულისადმი და კონკრეტულად:

რეტრო მერკური იმოძრავებს 16 აპრილამდე ვერძის ზოდიაქოს ნიშანში, ამიტომ კარგი იქნება თუ გამოვიჩენთ მეტი სიფხიზლეს, რათა არ დავუშვათ და არ მივიღოთ ნაჩქარევი გადაწყვეტილებები, არაა გამორიცხული, რომ გამოჩნდნენ ჩვენს ცხოვრებაში წარსულში გაცნობილი ადამიანები, დაუბრუნდეთ ადრინდელ გეგმებსა და საქმეებს. არ გირჩევთ, რომ აპრილის შუა რიცხვებადმე გააოფიციალუროთ მნიშვნელოვანი საკითხები, როგორებიცაა: საბუთზე ხელმოწერა, ახალი საქმის დაწყება, თქვენ ნახავთ თუ როგორ იჭირვეულებს ტექნიკა, შესაბამისად არაა მართებული ასეთ პერიოდში რაიმეს შეძენა, რადგან დიდი ალბათობით ვერ იმუშავებს გამართულად.

სხვა ყველაფერთან ერთად, ქვეითად მოსიარულეებს მართებთ ყურადღების გამოვლენა გზებზე და არა მარტო ქვეითებს, თუ ნახავთ ქალაქში შექმნილ დაუსრულებელ საცობებს და მძღოლთა შეუთანხმებელ ან ალოგიკურ გადაწყვეტილებებს სიარულისას არც ეს გაგიკვირდეთ, მატულობს გაუგებრობა, ინფორმაციის გაცვლის დროს იქმენა პრობლემები, ჩვეულებრივი სახის კავშირებშიც კი შეიძლება ელემენტალურ დონეზე ორმა ადამიანმა ვერ გაუგოს ერთმანეთს, ამიტომ ნურც ამით აღშფოთდებით.

ამ დროს კარგია, თუ ძალიან ბევრ ნივთებს, რომელიც ზედმეტადაა თქვენს ახლო გარემოში მოიშორებთ, გაასუფთავებთ იმ ადგილს, სადაც ყველაზე ხშირად გიწევთ ყოფნა, ახლა ბანალურად რომ ვთქვა - "დალაგების დროა". დალაგება შეეხება არა მხოლოდ ნივთებს, არამედ თქვენს გეგმებსაც, იფიქრეთ სამომავლოდ, რაც გსურთ იმის გაკეთება, დაისახეთ მიზნები და ამ უკანასკნელის შესრულებას შეეცადეთ მაშინ, როდესაც მერკური გახდება დირექტული, მანამდე თავი შეიკავეთ.

თუ ამოტივტივდა ძველი საქმეები, რომლებიც მოითხოვს აუცილებლად დასრულებას, ეს კი ბატონო, დაასრულეთ, მაგრამ ახალს არ მიეკაროთ! კარგი იქნება თუ ნიშნობას ან ქორწილსაც - თავის ხელმოწერითურთ დროებით გადადებთ. შორ მანძლზე სვლას და გადაადგილებებსაც მოერიდეთ, მაგრამ უცხო კულტურის დათვალიერება არ იქნება ურიგო.

კიდევ ერთი თემა, რაც მნიშვნელოვანია, არის ის, რომ დაუკვირდით ყველა სიტყვის, რასაც კი ამ პერიოდში გასცემთ, თუ ვინმეს რამეს დაპირდებით ან შეუთანხმდებით, იცოდეთ, რომ მისი შესრულება აუცილებლად მოგიწევთ და თუ ამას არ იზამთ აღნიშნულს მოყვება ან დიდი გაუგებრობა ან დაგაწვებათ მინიმუმ მომდევნო მერკურის რეტროგრადულობამდე კისერზე.

იმ ადამიანებს, ვისაც მერკური ჰყავთ წყლის სტიქიაში მოხვედრილი თუ შეგაწუხათ გარკვეული სახის ფანტაზიურმა ან ილუზიურმა იდეებმა, არც ეს არ იქნება გამოირცხული, შეიძლება ახალი გზებიც კი მონახოთ საქმეებისთვის, რაც თქვენს წისქვილზე დაასხამს წყალს.

რეტროგრადული მერკური - როდესაც პირად რუქაში მერკური გვხვდება უკუსვლითი, ამ დროს ადამიანს შესწევს იმის ძალა, რომ თუნდაც გამოუვალი მდგომარეობიდან მონახოს ალტერნატიული გზა, იმისათვის, რათა თავი დააღწიოს ამ ვითარებას, ქვეცნობიერის სიღრმეებშიც ბევრად უფრო მარტივად შეუძლია შევიდეს, თან თუ წყლის სტიქიის მერკური ჰყავს. თუ მერკური მიწისაა, მაშინ მას შეუძლია, რომ თავისი ანალიტიკური გონებით ყველას გააგებინოს ის ჩაწვდომილი ჭეშმარიტება, რის გაგებაც ინდივიდებს უჭირთ.

ამ ადამიანის მინუსი არის ის, რომ მას თუნდაც კომუნიკაციურ დონეზე, აქვს სხვებისგან განსხვავებული შეხედულებები, შეიძლება სულაც მართალი იყოს, მაგრამ მას აქვს განცდა, რომ საუბრის დროს თითქოს სხვებმა ვერ გაუგეს ან ბოლომდე ვერ ჩაწვდნენ მის აზრს, რის გამოც კომპლექსდება. რეტროგრადული მერკურის მქონე პიროვნება ზოგჯერ ზედმეტად ცდილობს, რომ გადმოსცეს მკაფიოდ თავის სათქმელი, ამის გამო შეიძლება გამოიწვიოს გარშემომყფოთა გაღიზიანებაც, დაიმსახუროს ანტიპათია. ამ მერკურის სჭირდება არა ადამიანებთან მიწებება მიღწეულის გამტკიცებისთვის, არამედ, ადამიანებთან გარკვეული დისტანციაც, რათა არ ითამაშოს სხვის ნერვებზე.

მას ზოგჯერ სჩვევია სხვებთან შედარებით მეტი ფიქრიც, რათა იდეას ბოლომდე ჩაწვდეს, მაგრამ საბოლოო ჯამში შეიძლება სხვებთან შედარებით ბევრად უფრო ღრმად ჩავიდეს და მეტი ინფორმაციაც ამოიღოს. ვისაც კი გყავთ რუქაში ასეთი მერკური ახლა, 16 აპრილამდე თქვენ მოგეთხოვებათ შედარებით მეტი აქტივობა საქმეებში, ხოლო ვისაც დირექტული - გაჩერდით და დაელოდეთ თქვენს დროს, წარმატებები თქვენ!".