გიორგი კვირიკაშვილი - სარეიტინგო კომპანია Fitch-მა საქართველოს პერსპექტივა სტაბილურიდან პოზიტიურზე გადაიყვანა

სარეიტინგო კომპანია Fitch-მა საქართველოს პერსპექტივა სტაბილურიდან პოზიტიურზე გადაიყვანა, - ამის შესახებ პრემიერ-მინისტრმა გიორგი კვირკაშვილმა განაცხადა.

"სულ ცოტა ხნის წინ Moody's სარეიტინგო სააგენტომ გააკეთა საქართველოს საკრედიტო რეიტინგის გაუმჯობესება და Ba 3-დან Ba 2-ზე გადავინაცვლეთ. დღეს გახდა ცნობილი, რომ Fitch-ის საკრედიტო სააგენტომ საქართველოს პერსპექტივა ე.წ outlook საქართველოსი სტაბილურიდან პოზიტიურზე გადაიყვანა. ასე რომ, მარტო ჩვენ არ ვამბობთ ამას, საკრედიტო სააგენტოებიც ადასტურებენ", - განაცხადა კვირიკაშვილმა.