Spice Girls ბრუნდება და წლის ყველაზე მნიშვნელოვან ქორწილში იმღერებს

უკვე რამდენიმე დღეა ცნობილი გახდა, რომ ჯგუფი Spice Girl კვლავ გაერთიანდება, ახლახან კი ჟურნალისტებმა გაარკვიეს ერთ-ერთი მიზეზი, რის გამოც გადაწყვიტეს მუსიკოსებმა, ჯგუფი აღედგინათ. 1990-იანი წლების ყველაზე პოპულარული გოგონების ბენდი პრინცი ჰარისა და მეგან მარკლის ქორწილში იმღერებს.

Daily Mail-ის ინფორმაციით, მეგან მარკლი წლების წინ ჯგუფის თაყვანისმცემელი იყო.

ჰარი და მეგანი 19 მაისს დაქორწინდებიან. ცერემონიალის დეტალები, სტუმრების ვინაობა და ა.შ. ჯერჯერობით, ცნობილი არ არის.

თუმცა, ცხადია, Spice Girls - ის გაერთიანების მიზეზი მხოლოდ ქორწილი არ არის. ჯგუფი დიდი ტურნეს მოწყობას გეგმავს, საიდანაც, ვარაუდობენ, რომ შემოსავალი 50 მლნ ფუნტი იქნება.