გსურთ სამგანზომილებიანი ტელევიზორის პირველი მფლობელი გახდეთ? თქვენ ეს 3 ათასი დოლარი დაგიჯდებათ!

აშშ-ში მიმდინარე კვირას გაყიდვაში პირველი სატელევიზიო სისტემა გამოვა, რომელსაც მოცულობითი გამოსახულების (3D) ჩვენება შეეძლება.

3 ათას დოლარად თქვენ შეძლებთ შეიძინოთ 46-დიუმიანი ტელევიზორი, ორი წყვილი სათვალე და კომპანია ”Samsung Electronics” წარმოების 3-D Blu-ray ვიდეოპლეიერი.

პირველი 3-D ტელევიზორების წარმოებას კომპანია ”Panasonic”-იც გეგმავს, თუმცა მათი ფასების შესახებ არაფერია ცნობილი.
კომპანია ”Sony” საკუთარი სამგანზომილებიანი ტელევიზორების გაყიდვას აშშ-ში ივნისიდან აპირებს და მათი ღირებულება 3898 დოლარი იქნება.

3-D ტელევიზორების დებიუტი სამგანზომილებიანი ფილმის ”ალისა საოცრებათა ქვეყანაში” დიდ ეკრანებზე გამოსვლასთან დაკავშირებით შექმნილ აჟიოტაჟს დაემთხვა. გასულ კვირას ამ ფილმმა ბილეთების გაყიდვების მიხედვით ყველაზე წარმატებული ფილმის - ”ავატარის” - რეკორდი მოხსნა.


მომზადებულია bbc.co.uk-ის მიხედვით.