მზის ელემენტებზე მომუშავე მსოფლიოში ყველაზე დიდი იახტა გერმანიის ქალაქ კილის ვერფში წარადგინეს.

31-მეტრიანი ხომალდი შვეიცარიული საკონსტრუქტორი ბიურო ”PlanetSolar”-ის პროექტის მიხედვით აიგო. მომავალ წელს ეს კატამარანი, რომელიც ამჟამად მზის ენერგიაზე მომუშავე ერთადერთი ხომალდია, დედამიწის გარშემო 140-დღიან მოგზაურობას დაიწყებს, იტყობინება dpa.

იახტა 60 ტონას იწონის და მასზე 50 ადამიანი თავსდება. პროექტის ღირებულება რამდენიმე მლნ ევროს შეადგენს. პირველი საცდელი სვლა მიმდინარე წლის მარტისთვისაა დაგეგმილი.


მომზადებულია dw-world.de-ს მიხედვით.