სასამართლომ დააკმაყოფილა კომპანია ”Microsoft”-ის მოთხოვნა იმ გლობალური კომპიუტერული ქსელის დახურვაზე, რომელიც "Microsoft"-ის მონაცემებით, ყოველწლიურად 1,5 მლრდ სპამ-შეტყობინებას აგზავნიდა.

სულ დაიხურება 277 დომენი, რომლებსაც, კომპანიის მტკიცებით, ”Waledac”-ის ბოტქსელი ”კონტროლის” მიზნით იყენებდა.

ბოტები კომპიუტერთა ქსელია, რომლებიც ჰაკერთა კონტროლქვეშ იმყოფება.  ამგვარი კომპიუტერების მფლობელთა უმრავლესობას წარმოდგენაც არ აქვს, რომ მათი მანქანები დავირუსებულია და სპამს ავრცელებს.

ვებ-გვერდების მკვლევარ ორგანიზაცია ”Shadowserver”-თან, ვაშინგტონის შტატის უნივერსიტეტსა და ანტივირუსული პროგრამების შემქმნელ კომპანია ”Symantec”-თან ერთად, ”Microsoft”-მა ვირჯინიის შტატის სასამართლო დაარწმუნა მათ სასარგებლოდ გამოეტანა განაჩენი.

სასამართლოს მიერ მიღებული გადაწყვეტილების თანახმად, ფირმა ”Verisign”-მა, რომელიც საერთაშორისო ინდექს ".com"-ს მართავს, ის დომენები უნდა გააუქმოს, რომლებზეც ბოროტმოქმედები არის განთავსებულნი.



მომზადებულია bbc.co.uk-ის მიხედვით.