ევროპისა და ამერიკის მარეგულირებელმა ორგანოებმა კომპანია ”Microsoft”-ის მიერ საძიებო სისტემა ”Yahoo”-სა და მისი ქვედანაყოფის შესყიდვის გეგმას მხარი დაუჭირეს. ეს უკანასკნელი ძიების შედეგებში რეკლამის ინტეგრაციით არის დაკავებული.

ევროპულმა კომისიამ საკუთარ გადაწყვეტილებაში აღნიშნა, რომ ამ გეგმების განხორციელება ”ეფექტური კონკურენციის სფეროში სერიოზულ დაბრკოლებად არ გადაიქცევა”.

დაგეგმილი შეთანხმების შესაბამისად, პორტალ ”Yahoo”-ს საიტები საძიებო სისტემა ”Microsoft”-ის მიერ შექმნილ ალტერნატიულ წყაროს გამოიყენებენ, საიდანაც შემოსულ თანხებს აღნიშნული ორო კომპანია შუაზე გაიყოფს.

კომპანია ”Microsoft” ბოლო დროს აქტიურად ცდილობს საკუთარი წილი გაზარდოს ინტერნეტ-ძიების ბაზარზე, რომელსაც ამჟამად თითქმის სრულად აკონტროლებს კომპანია ”Google”. დაგეგმილი თანამშრომლობის შესახებ ”Microsoft”-მა და ”Yahoo”-მ პირველად გასული წლის ივლისში განაცხადეს.


მომზადებულია bbc.co.uk-ის მიხედვით.