ფეხბურთის მეფე პელეზე არ გვაქვს საუბარი… ჰოლანდიური "ალკმაარის" იტალიელმა თავდამსხმელმა გრაციანო პელემ, ტოპვოეტბალ-თან საუბრისას, შოთა არველაძეს მადლობა გადაუხადა - რჩევებს ყოველდღიურად მაძლევს და გვერდიდან არ მშორდებაო.

"არველაძე მისაბაძი და მაღალი კლასის ფორვარდი იყო, მასთან თანამშრომლობა ჩემთვის სიამოვნებაა. ამასთან, ის ყოველთვის ზუსტად გეუბნება, როდის რა უნდა გააკეთო", - თქვა პელემ "ალკმაარის" მთავარი მწვრთნელის ქართველ თანაშემწეზე.

გეცოდინებათ, უშუალოდ დიკ ადვოკაატის თანაშემწეობის გარდა, შოთას "ალკმაარში" თავდასხმის ხაზზე ევალება კურირება.

ილია ნანობაშვილი
"მსოფლიო სპორტი"