ჩილეში ძლიერი მიწისძვრისა და ცუნამის შემდეგ ოკეანოლოგრაფიული სამსახურის ხელმძღვანელი თანამდებობიდან გადააყენეს. ამჟამად მიმდინარეობს მოკვლევა.

ჩილეს ფლოტის დაქვემდებარებაში მყოფი სამსახური მკაცრად გააკრიტიკეს იმის გამო, რომ ძლიერი მიწისძვრის შემდეგ ცუნამის წარმოქმნის საფრთხის შესახებ ოფიციალური შეტყობინება არ გაავრცელა.

ხელისუფლების მიერ გავრცელებულ განცხადებაში ასევე აღნიშნულია, რომ სამხედრო-საზღვაო ფლოტის ხელმძღვანელობამ იმის გამოძიება მოითხოვა, თუ როგორ მუშაობდნენ კატასტროფის დროს გამაფრთხილებელი სამსახურები.

შეგახსენებთ, რომ ჩილეში მიწისძვრა 27 თებერვალს, 06:34 საათზე დაიწყო. ეპიცენტრი ქვეყნის დედაქალაქ სანტიაგოდან 325 კილომეტრში და ქალაქ კონსეპსიონიდან ჩრდილო-აღმოსავლეთით 115 კილომეტრში მდებარეობდა. ბიძგების სიმძლავრემ 8,8 ბალი შეადგინა.


მომზადებულია bbc.co.uk-ის მიხედვით.