საბერძნეთის დედაქალაქში პარლამენტის წინ მასობრივი დემონსტრაციის მონაწილეეს შორის შეტაკება მოხდა, ისინი ხელისუფლების მიერ ეკონომიკის სფეროში დადგენილ მკაცრ ზომებს აპროტესტებენ, იტყობინება ”იტარ-ტასი”.

დემონსტრანტებმა პარლამენტის გარშემო განლაგებულ პოლიციის კორდონებს ქვები დაუშინეს. სპეცრაზმმა კი მათ საპასუხოდ ცრემლსადენი გაზი და ხმაურმანათობელი ყუმბარები გამოიყენა, არიან დაშავებულები.

ათენის საავადმყოფოში საბერძნეთის შრომის საყოველთაო კონფედერაციის თავმჯდომარე, იანის პანაგოპულოსი და საბერძნეთის გმირი - მემარცხენე ძალების წარმომადგენელი, 87 წლის მანოლის გლეზოსი არიან გადაყვანილნი.

პოლიციის მონაცემებით, იანის პანაგოპულოსს დემონსტრანტებმა სცემეს, რის შედეგადაც მან მსუბუქი ტრავმები მიიღო, ხოლო გლეზოსა სპეცნაზის მიერ ცრემლსადენი გაზის გამოყენების შემდეგ საავადმყოფოში სუნთქვის უკმარისობით მიიყვანეს.
დედაქალაქის ყველა ცენტრალურ ქუჩაზე უსაფრთხოების ზომები გამკაცრებულია.


მომზადებულია newsru.com-ის მიხედვით.