სამი ადამიანი დაიჭრა ამერიკის დედაქალაქში, პენტაგონის შენობასთან მომხდარი სროლის შედეგად. დაჭრილებს შორისაა ინცინდენტის ინიციატორი - 36 წლის ჯონ პატრიკ ბედელი. სმართალდამცველებმა დააკავეს ასევე მისი თანამოაზრე, რომლის ვინაობა არ სახელდება. მიმდინარეობს მისი დაკითხვა - იტყობინება ”რია ნოვოსტი” ”ასოშეითედ პრესზე” დაყრდნობით.

ამერიკის თავდაცვის უწყების დაცვაში მყოფი პოლიციის სამმართველოს ოფიციალური  წარმომადგენლის კრის ლეიმანის თქმით, ბედელი პენტაგონის შესასვლელთან მივიდა და ცეცხლი გახსნა. ორმხრივი სროლისას დაიჭრა ორი პოლიციელი და თავად თავდამსხმელი.

პენტაგონის დაცვის უფროსის  რიჩარდ კივილის ინფორმაციით, თავდამსხმელი, რომელიც სავარაუდოდ ამერიკის მოქალაქეა, პენტაგონის შენობაში პოლიციის საკონტროლო გამშვები პუნქტიდან აპირებდა შესვლას. იგი ცდილობდა შეუმჩნეველი დარჩენილიყო. როდესაც საკონტროლო გამშვებ პუნქტთან მივიდა, ჯიბიდან პისტოლეტი ამოიღო და ყოველგვარი ემოციის გარეშე, ცეცხლი გახსნა. დამნაშავის ქმედების მოტივაცია და  ჯერჯერობით უცნობია. გამორიცხული არ არის ტერაქტის ვერსია.

ინცინდენტის შემდეგ, პენტაგონის ყველა შესასვლელი და შემთხვევის ადგილის მახლობლად მდებარე მეტროპოლიტენი, დაიკეტა.

არსებული ინფორმაციით, დაჭრილების მდგომარეობა სტაბილურია. განსხვავებით თავდამსხმელისგან, რომელმაც მძიმე სახის ჭრილობები მიიღო, პოლიციელები მსუბუქად არიან დაჭრილი.

მომზადებულია newsru.com-ის მიხედვით.