საბურთალოს რაიონში ქსელზე სარეაბილიტაციო სამუშაოების ჩატარების გამო, თბილისის გარკვეულ ნაწილს დღეს გაზის მიწოდებს შეუწყდება.

"ყაზტრანსგაზ-თბილისის" ცნობით, 10:00 საათიდან გაზმომარაგება შეუწყდება შევარდენიძის, ზაქარიაძის, ასათიანის ქუჩებს, ვაჟა-ფშაველას გამზირის (# 14-#42), ყაზბეგის გამზირის (#18-24, #29-35), ამბროლაურის, საბურთალოსა (#57-65) და ნუცუბიძის ქუჩების (#26-48) ნაწილს.

გაზმომარაგების აღდგენა ეტაპობრივად 10 სექტემბრიდან დაიწყება.

კომპანია ბოდიშს უხდის თავის აბონენტებს დისკომფორტისთვის და მოუწოდებს, დაკეტილ მდგომარეობაში იქონიონ ბინებში არსებული გაზის ონკანები, უყურადღებოდ არ დატოვონ გაზის დანადგარები. გაზის დანადგარებთან გაუფრთხილებლობით გამოწვეულ ავარიებზე "ყაზტრანსგაზ-თბილისი" პასუხისმგებლობას იხსნის.

"ინტერპრესნიუსი"