”BBC”-ის საერთაშორისო სამსახურის მიერ ჩატარებული გამოკითხვის შედეგად აღმოჩნდა, რომ მთელ მსოფლიოში ხუთიდან ოთხი ადამიანი ინტერნეტზე ხელმისაწვდომობას ადამიანის ერთ-ერთ მთავარ უფლებად მიიჩნევს.

26 სხვადასხვა ქვეყანაში მცხოვრები 27 ათასი ადამიანის გამოკითხვის შედეგები მოწმობენ, რომ როგორც განვითარებული, ასევე განვითარებადი ქვეყნების მცხოვრებთა უმრავლესობისთვის ინფორმაციის აღნიშნულ წყაროზე ხელმისაწვდომობა ცხოვრების უმნიშვნელოვანესი ნაწილია.

ფინეთსა და ესტონეთში ინტერნეტზე ხელმისაწვდომობის უფლება უკვე ამ ქვეყნების კონსტიტუციებით რეგულირდება.
საერთაშორისო ორგანიზაციები ცდილობენ, რომ ინფორმაციულ ქსელებზე ხელმისაწვდომობის უფლების საერთაშორისო აღიარებას მიაღწიონ.

”ინფორმაციის მოპოვების უფლებას არ შეიძლება იგნორირება გავუკეთოთ”, - განაცხადა კავშირგაბმულობის საერთაშორისო კავშირის გენერალურმა მდივანმა, ჰამადუმ ტურემ. მისი თქმით, ”მთავრობებმა ინტერნეტი, გზებთან და კანალიზაციასთან ერთად, საზოგადოებრივი ინფრასტრუქტურის ძირითად შემადგენელ ნაწილად უნდა განიხილონ”.


მომზადებულია bbc.co.uk-ის მიხედვით.