ამ გადაცემის შემდეგ ლალიმ "რეიტინგთან" ინტერვიუში გაამხილა, მე და გიორგის დღესაც კარგი ურთიერთობა გვაქვს, ხვალ გორში მივდივარ, გიორგიმ რესტორნის გახსნაზე დამპატიჟაო. ამაზე კანდელაკი გაცეცხლებულა, არავინ არსად დამიპატიჟებია, ის რესტორანი ორი წლის წინ გავხსენი, რაღა დროს მისი გახსნააო. კომენტარზე კი უარი განაცხადა. არ მინდა მაგ ქალზე ლაპარაკი, დავიღალე, მთელმა თბილისმა ისედაც ყველაფერი იცისო...
ქალაქში იმასაც ამბობენ, რომ გიორგი ყოფილ ცოლთან შერიგებაზე "ჩალიჩობს". ნინო ყანჩაველისთვის 7 თებერვალს დაბადების დღე გიორგის რესტორანში გადაუხდია. 35 წლის იუბილეზე ყოფილ ცოლ-ქმარს ერთად მოულხენია. გიორგის მიერ მოწყობილ წვეულებაზე ნინოს ოჯახის წევრები და მეგობრები შეკრებილან. მათ შორის ჟურნალისტი თათია თოფურიაც ყოფილა. იუბილარს ტორტზე ანთებული მაშხალები შვილებთან ერთად ჩაუქრია და ცეკვის დროს "მატარებელში" მეგობრებთან ერთად ჩაბმულა.
კანდელაკი ასეთ დაბადების დღეებს ნინოს ბოლო წლებში სულ რესტორანში უხდის, ორი წლის წინ "ინფინიტის" ჯიპიც აჩუქა ყოფილ ცოლს. მსოფლიო ჩემპიონი კრივში ბავშვებსაც არ ტოვებს უყურადღებოდ, ყოფილ ცოლს როცა უნდა მაშინ სტუმრობს და ბავშვების დაბადების დღეებსაც თავად გეგმავს. წყვილს ორი შვილი ჰყავს, თარაში და ნატალი.
იმასაც ამბობენ, რომ ქმრის ღალატისა და გახმაურებული რომანის მიუხედავად, ნინო ბოლომდე ქმრის ერთგული დარჩა და ინტერნეტში გამოქვეყნებული ამ ფოტოებით თუ ვიმსჯელებთ, გამორიცხული არ არის, წყვილის ოჯახური თანაცხოვრება კვლავ განახლდეს...
მარიამ ლაღიძე
ჟურნალი "რეიტინგი"
(გამოდის ორშაბათობით)
