1 მარტს ამერიკული სარაკეტო ფრეგატი ”ჯონ ჰოლ” ერთობლივი სწავლების დაწყების წინ, რომელიც შავ ზღვაში 4 მარტამდე გაგრძელდება, საქართველოს პორტში შევიდა. ამავე დროს, აფხაზეთში რუსეთის არმია სამხედრო ბაზებს აშენებს.

როგორც ხომალდის მეთაური, მესამე რანგის კაპიტანი დერეკ ლავანი აცხადებს, სწავლების მიზანი საქართველოსა და შეერთებულ შტატებს შორის საზღვაო თანამშრომლობის ორგანიზებაა. საქართველოში აშშ-ის ელჩმა, რომელიც ასევე ესწრებოდა ”ჯონ ჰოლის” ჩამოსვლას, აღნიშნა, რომ სწავლება საქართველოს უსაფრთხოების განმტკიცებას ემსახურება.

ბათუმიდან 130 კმ-ში, ოჩამჩირეს აფაზურ პორტში რუსეთის სამხედრო ხომალდებია განთავსებული, რომლებიც სანაპიროსთან პატრულირებენ. რამდენიმე ამგვარი ხომალდი იქ 2008 წლის აგვისტოდან იმყოფება, როდესაც რუსეთ-საქართველოს ხუთდღიანი ომის შედეგად რუსულ-ამერიკული ურთიერთობები ცივის ომის შემდეგ პირველად ყველაზე მეტად გაუარესდა.

გასულ კვირას აფხაზეთმა რუსეთთან შეთანხმებას მოაწერა ხელი, რომელიც თვითაღიარებული რესპუბლიკის ტერიტორიაზე განთავსებულ სამხედრო ბაზაზე განათლების საკითხებს არეგულირებს. აღნიშნულ ბაზაზე 3 ათასი სამხედრო მოსამსახურის განთავსებაა შესაძლებელი. სამხედრო-საზღვაო ბაზის აშენება ოჩამჩირეშიც არის დაგეგმილი.

ამასთანავე, საქართველოს პრეზიდენტმა მიხეილ სააკაშვილმა, საფრანგეთი რუსეთისთვის ”მისტრალის” კლასის ხომალდის მიყიდვის მზადყოფნის გამო გააკრიტიკა. ამ გეგმის გამო შეშფოთება გამოხატა ასევე აშშ-მა.


მომზადებულია bbc.co.uk-ის მიხედვით.