ოფიციალური მოსკოვი მხარს არ უჭერს ირანის წინააღმდეგ ”მაპარალიზებელი სანქციების” შემოღებას, რომელიც ქვეყნისთვის სარაკეტო კომპლექს С-300-ის გადაცემას უკავშირდება.

მიუხედავად ამასწინათ მოსკოვში ისრაელის პრემიერ-მინისტრ ბენიამინ ნეთანიაჰუს ვიზიტისას გაკეთებული განცხადებისა, რომ სარაკეტო კომპლექსის მიწოდების საკითხი ცოტა ხნით შეჩერდებოდა, რუსეთი მიღებულ გადაწყვეტილებას არ ცვლის და ირანს С-300 ნებისმიერ შემთხვევაში გადასცემს, - აცხადებს რუსეთის საგარეო საქმეთა მინისტრის მოადგილე სერგეი რიაბკოვი.

რიაბკოვის ეს განცხადება სერგეი ლავროვის გამოსვლას მოჰყვა, რომელმაც განაცხადა, რომ რუსეთი ირანის ატომური პროგრამით შეშფოთებულია.

სწორედ ბენიამინ ნათანიაჰუ იყო ის დიპლომატი, რომელიც  დაჟინებით ითხოვდა ამ ქვეყნის წინააღმდეგ ”მაპარალიზებელი სანქციების” განხორციელებას, რაც პირველ რიგში ირანისათვის ნავთობპროდუქტების მიწოდების საკითხს შეეხებოდა.

”ტერმინი ”მაპარალიზებელი სანქციები” რა თქმა უნდა ჩვენში უსიამოვნო შეგრძნებას იწვევს, თუმცა ხაზგასმით აღვნიშნავ, რომ რუსეთი მზადაა მხარი დაუჭიროს ისეთ სანქციებს, რომელიც ატომური გავრცელების რეჟიმის დაბლოკვას შეუწყობს ხელს და არა ისეთს, რომელიც მთელი ქვეყნისათვის სასჯელი იქნება", - განაცხადა რიაბკოვმა.

მომზადებულია bbc.co.uk-ის მიხედვით.