პოლონეთში სამი ათასამდე ქართველი არალეგალის საქმე განიხილება, - ამის შესახებ პოლონეთში საქართველოს ელჩმა, კოტე ქავთარაძემ განაცხადა.
მისი თქმით, ესენი არიან ის ქართველები, რომლებიც პოლონეთში არალეგალურად მოხვდნენ, გადაკვეთეს პოლონეთის საზღვარი და პოლონეთის მთავრობისგან თავშესაფარს ითხოვენ.
"ეს ადამიანები იმყოფებიან საემიგრაციო ბანაკებში და ითხოვენ თავშესაფარს. თუმცა, პოლონეთის რესპუბლიკა მათ, სავარაუდოდ, თავშესაფარს არ მისცემს", განმარტა კოტე ქავთარაძემ.
ელჩის თქმით, არალეგალი ქართველები, სავარაუდოდ, საქართველოში იქნებიან დეპორტირებულები.
კოტე ქავთარაძის ინფორმაციით, პოლონეთიდან ქართველების დეპორტაცია ეტაპობრივად ხორციელდება და ბოლო პერიოდში, დაახლოებით, 500-600 ქართველია დეპორტირებული.
თუ როდისთვის იგეგმება შემდგომი დეპორტაცია, ჯერ უცნობია.
"ინტერპრესნიუსი"
14:01 / 07-09-2010
პოლონეთი სამი ათასამდე ქართველი არალეგალის საქმეს განიხილავს
როგორ ჩაატარეს ”ედიანაია როსიას” წევრებმა 7 მაისს აქცია თბილისის ცენტრში, თავისუფლების მოედანზე; რა ”გემრიელი საჩუქრები” ჩამოუტანეს ვეტერანებს და რას აკეთებენ ალაზნის ველზე?! და კიდევ ერთი კითხვა - ჩვენ რას ვაკეთებდით ამ დროს...