ტყიბულის მაღაროში მომხდარი აფეთქების მიზეზის დასადგენად გამოძიება მიმდინარეობს. ამის შესახებ "ინტერპრესნიუსს" გაერთიანება "საქნახშირის" გენერალურმა დირექტორმა, მერაბ ჭრელაშვილმა განუცხადა.
"გამოძიება მიმდინარეობს. ამჟამდ ვიკრიბებით ამ დარგის სპეციალისტები და ვმსჯელობთ მომხდარის შესახებ. ხვალისთვის გვექნება უკვე შედარებით ზუსტი მონაცემები და აფეთქების სავარაუდო მიზეზსაც განვსაზღვრავთ", - აღნიშნა ჭრელაშვილმა.
აფეთქება ტყიბულის მაღაროში 27 აგვისტოს, დაახლოებით 21:00 საათზე მოხდა. აფეთქების შედეგად სამი ადამიანი დაიღუპა. 7 დაზარალებული თბილისის დამწვრობის ცენტრსა და ღუდუშაურის სახელობის კლინიკაში გადაიყვანეს.
ტყიბულის მინდელის სახელობის მაღარო "საქნახშირს" ეკუთვნის, რომელიც "საქართველოს ინდუსტრიული ჯგუფის" შვილობილი კომპანიაა.
"ინტერპრესნიუსი"
13:02 / 28-08-2010
ტყიბულის მაღაროში აფეთქების მიზეზის დასადგენად გამოძიება მიმდინარეობს
როგორ ჩაატარეს ”ედიანაია როსიას” წევრებმა 7 მაისს აქცია თბილისის ცენტრში, თავისუფლების მოედანზე; რა ”გემრიელი საჩუქრები” ჩამოუტანეს ვეტერანებს და რას აკეთებენ ალაზნის ველზე?! და კიდევ ერთი კითხვა - ჩვენ რას ვაკეთებდით ამ დროს...