დაღესტანში, ირგანაის ჰესზე თვითნაკეთი ასაფეთქებელი მოწყობილობა აღმოაჩინეს, რომელიც ორიდან ერთ-ერთ ჰიდროაგრეგატთან იყო განთავსებული. ირგანის ჰესი ჩრდილოეთ კავკასიაში სიმძლავრით მეორე სადგურია.
"თვითნაკეთი ბომბის სიმძლავრე დაახლოებით 4 კგ ტროტილის ეკვივალენტს შეადგენდა. ის ელექტროდეტონატორებით იყო აღჭურვილი. სავარაუდოდ, ასაფეთქებელი მოწყობილობის მოქმედებაში მოყვანას დისტანციურად გეგმავდნენ", - განუცხადა "რია ნოვოსტის" ძალოვანი სტრუქტურის წარმომადგენელმა.
მისი თქმით, ბომბი სადგურის შემოწმების შემდეგ აღმოაჩინეს, როდესაც ჰესზე გაჩენილი ხანძრის ჩაქრობა მოხერხდა. ასაფეთქებელი მოწყობილობა ფედერალური უსაფრთხოების სამსახურის სპეციალისტებმა გააუვნებელყვეს.
მომზადებულია rian.ru-ს მიხედვით.
13:08 / 09-09-2010
დაღესტანში, ირგანის ჰესზე დამონტაჟებული თვითნაკეთი ბომბი გააუვნებელყვეს
