ამ საკადრო გადაწყვეტილებას მხარი დაუჭირა 242-მა დეპუტატმა 450-დან.
62 წლის აზაროვი პროფესიით გეოლოგ-გეოფიზიკოსია.
პრემიერის არჩევამდე, რადაში დღეს ახალი კოალიცია შეიქმნა. კოალიციაში სახელწოდებით ”სტაბილურობა და რეფორმები” შესულია 235 სახალხო დეპუტატი, ნაცვლად აუცილებელი 226-ისა. ახალ კოალიციაში შედიან რეგიონების პარტია, ლიტვინის ბლოკი, უკრაინის კომუნისტური პარტია და 13 ცალკეული დეპუტატი.
ფორმირებისთანავე, კოალიციამ უკრაინის პრემიერ-მინისტრის პოსტზე რეგიონების პარტიის წარმომადგენელი ნიკოლაი აზაროვი წარადგინა. მის კანდიდატურას მხარი დაუჭირა უკრაინის პრეზიდენტმა ვიქტორ იანუკოვიჩმა და დაუყოვნებლივ წარუდგინა პარლამენტს. დეპუტატებმა ასევე დაუყოვნებლივ უყარეს აზაროვის კანდიდატურას კენჭი, რის შემდეგაც იგი უკრაინის პრემიერი და ვლადიმერ პუტინის კოლეგა გახდა.
მომზადებულია newsru.com-ის მიხედვით.
