ჩილეს ნაციონალური კომიტეტის ხელმძღვანელი საგანგებო სიტუაციათა საკითხებში კარმენ ფერნანდესი, თანამდებობიდან გადადგა.

ამის მიზეზი თებერვალში მომხდარი მიწისძვრა იყო.

ფერნანდესმა განაცხადა, რომ მისმა სააგენტომ ვერ გამოიჩინა ის ოპერატიულობა, რომელიც იმ მოცემულ მომენტში იყო საჭირო, - იუწყება ფრანს პრესი.

” ბრმები და დადუმებულები ვიყავით, რადგან ჩვენი საკომუნიკაციო სისტემა მწყობრიდან გამოვიდა და მე ვაღიარებ ამას”, - განაცხადა ფერნანდესმა.

გარდა ამისა, ქვეყნის პრეზიდენტმა თანამდებობიდან სამხედრო საზღვაო ძალების ოკეანოგრაფიის სამსახურის  უფროსი  გაათავისუფლა, რადგან სამსახურმა ცუნამის მოახლოების შესახებ სახელმწიფოს  ზუსტი ინფორმაცია ვერ მიაწოდა.

რაც შეეხება ზარალს, იგი სადაზღვევო კომპანიებს მილიარდობით დოლარი დაუჯდათ.

შვეიცარულმა სადაზღვევო კომპანია  Swiss Re-მა, თავის სფეროში ზარალი  4-დან 7 მილიარდ დოლარად შეაფასა,  პირადი დანაკარგი კი 500 მილიონ დოლარად.

კომპანიის მიერ გავრცელებულმა ამ ინფორმაციამ მათი აქციების ფასი მომენტალურად დააგდო და გაანახევრა.

გარდა ამისა, Swiss Re-ი ვარაუდობს, რომ ქარიშხალ ”კსინტიას” მიერ მიყენებული ზარალი, რომელიც ევროპას 26-28 თებერვალს დაატყდა თავს და მომხდართა შორის ყველაზე მსხვილმასშტაბიანად იქნა შეფასებული,  100 მილიონ დოლარს დაითვლის.


მომზადებულია LENTA.Ru-სა და rian.ru-ს მიხედვით.