ევროპელი ჩინოსნები შიშობენ, რომ ინვესტორი ევროს საწინააღმდეგოდ თამაშობს. ეს შიში უსაფუძვლო არ არის, სოროსი ხომ ცნობილია, როგორც "ადამიანი, რომელმაც ინგლისის ბანკი გატეხა".
ჩინოსნები ინვესტორის კუთვნილ ფონდ Soros Fund Management-ს, ასევე რიგ მსხვილ ფონდებს იმაში ადანაშაულებენ, რომ ისინი აგრესიულად ყიდიან ევროპულ ვალუტას მისი დესტაბილიზაციის მიზნით. საბერძნეთისა და ესპანეთის პრემიერ-მინისტრებმა უკვე გაკიცხეს სპეკულანტები ევროს დაცემის გამო.
აღსანიშნავია, რომ გასულ კვირას სოროსმა გამოაქვეყნა სტატია, სადაც გაერთიანებულ ევროპაში არსებული ფინანსური სისტემა გააკრიტიკა და ევროს კრახი იწინასწარმეტყველა.
ჟურნალი "რეიტინგი"
(გამოდის ორშაბათობით)
