და აი, საფრანგეთის ეროვნულმა ბიბლიოთეკამ ხელისუფლების დახმარებით ეს შეძლო. ახლა პარიზის ბიბლიოთეკის თაროებზე აღმოჩნდა ცნობილი გარყვნილი მამაკაცის მემუარების 3700 ფურცელი. ყველა დოკუმენტი ფრანგულ ენაზეა დაწერილი.
კაზანოვას ყველაზე ცნობილი ნაწარმოებია "ჩემი ცხოვრების ამბავი": მასში ავტორი მაქსიმალური გულწრფელობით წერს თავისი თავგადასავლების, ხანგრძლივი მოგზაურობების შესახებ, რომელთა დროსაც ეპოქის ისეთ დიდებულ ადამიანებს შეხვდა, როგორებიც იყვნენ ვოლტერი, რუსო და მოცარტი, პრუსიის მონარქი ფრიდრიხ II და რუსეთის იმპერატრიცა ეკატერინა II. მაგრამ მოგონებებში მთავარი ადგილი უკავია კაზანოვას სასიყვარულო გამარჯვებების აღწერას: სულ მან 122 "მსხვერპლი" აცდუნა, თანაც, ყველანი ნორჩი გოგონები იყვნენ, ერთი - მონაზონი.
თავდაპირველად კაზანოვას ხელნაწერის განადგურება უნდოდა, მაგრამ მერე გადაიფიქრა და ის თავის დისშვილ კარლო ანჯიოლინის აჩუქა. 1821 წელს ვენეციელი მწერლის მემკვიდრეებმა ხელნაწერი და ცნობილი წინაპრის სხვა დოკუმენტები გერმანელ გამომცემელ ბროკჰაუზს მიჰყიდეს.
ბოლო 140 წლის განმავლობაში კაზანოვას ნაწარმოებების 500 გამოცემა დაიბეჭდა და ბევრი მათგანი მნიშვნელოვანწილად განსხვავდება ორიგინალისგან. მეორე მსოფლიო ომამდე ეს არქივები ლაიპციგში ინახებოდა. ბევრს ეშინოდა, რომ იმ ტრაგიკულ პერიოდში კაზანოვას მემკვიდრეობა სამუდამოდ დაიკარგებოდა. მაგრამ 2007 წლის შემოდგომაზე პირველი კონტაქტები შედგა საფრანგეთის ეროვნულ ბიბლიოთეკასა და გერმანიის საელჩოს შორის და საბოლოოდ გარიგება შედგა... რა გადაიხადა საფრანგეთმა დოკუმენტებში, უცნობია: ექსპერტები ამ "განძს" 5-დან 20 მლნ ევრომდე აფასებენ.
ჟურნალი "რეიტინგი"
(გამოდის ორშაბათობით)
