სტატისტიკური კვლევის შედეგად დადგინდა, რომ "ფორბსის" მიერ შედგენილ მილიონერთა სიაში ქალწულის ნიშნით (23 აგვისტო-22 სექტემბერი) დაბადებული ადამიანები ჭარბობენ. ასტროლოგების აზრით, ეს არცაა გასაკვირი, რადგან ქალწულის ნიშნით შრომისმოყვარე, მიზანდასახული და ანალიტიკური აზროვნებით დაჯილდოებული ადამიანები იბადებიან. სხვათა შორის, ამ ნიშნითაა დაბადებული უორენ ბაფეტი და ლარი ელისონიც.

ქალწულს არც შეუპოვარი ვერძი ჩამორჩება. მილიონერების სიაში 8% ვერძია და მათ შორის გახლავთ ტელეწამყვანი ოპრა უინფრი.
სიის ყველაზე მდიდარი ადამიანი - ბილ გეიტსი მორიელია. ამბობენ, რომ მიზნის მისაღწევად მორიელი უკან არაფერზე დაიხევს და საწადელის ასრულებისთვის კანონსაც დაარღვევს.

სიაში 6% მშვილდოსანია, მათ შორის, რეჟისორი სტივენ სპილბერგიც გახლავთ.

სიაში მრავლადაა მილიონერი კუროც - იგი მიზანსწრაფულობითა და შრომისმოყვარეობით გამოირჩევა. "მილიონერი კუროა" კომპანია "რედ ბულის" დამაარსებელი დიტრიხ მატეშიტცი და მტვერსასრუტების კომპანია "დაისონის" მფლობელი ჯეიმს დაისონი. 

ჟურნალი ”გზა”
(გამოდის ხუთშაბათობით)