კოლეგებთან სექსუალურ ურთიერთობებს ადამიანები, შეიძლება, სამსახურში დაწინაურებისთვის იყენებენ, თუმცა ეს ასევე, შესაძლოა, პრობლემების მიზეზიც გახდეს, მიიჩნევენ მეცნიერები.

კვლევები აჩვენებს, რომ სამსახურებრივი რომანი ძალიან ბევრ ადამიანს ჰქონია, - იტყობინება  BBC. თანამშრომელთა 60% ანუ 10-დან 6 სერიოზულ ინტიმურ კავშირებშია ჩაბმული, მიიჩნევს ინგლისში მდებარე კრენფილდსის უნივერსიტეტის საერთაშორისო მენეჯმენტის პროფესორი, ენდრიუ კაკაბაძე.

ზოგიერთ კომპანიაში თანამშრომელთა შორის რომანის აკრძალვას მეცნიერები კონტრპროდუქტიულად მიიჩნევენ. თუმცა ისინი აღიარებენ, რომ სასიყვარულო ინტრიგებს ორგანიზაციის მუშაობის შეფერხებაც შეუძლია.

”თუ თქვენი საყვარლის გულისთვის რიგით თანამშრომელს სამსახურიდან ათავისუფლებთ, ეს უბრალოდ უსამართლობაა. ხოლო უფრო მაღალი თანამდებობის მქონე თანამშრომლის გათავისუფლება, თქვენთვის ფასეული ლიდერის დაკარგვას ნიშნავს”, - განმარტავენ მკვლევარები. ამასთანავე, თანამშრომელთა უსამართლოდ გათავისუფლების გამო თქვენ შეიძლება სექსუალურ ძალადობაშიც დაგადანაშაულონ.

როგორც ჟურნალ ”Spectator”-ის ჟურნალისტს, როდ ლიდლს მიაჩნია, ყველაზე ხშირად სამსახურებრივი რომანები ქალებსა და ხანშიშესულ მამაკაცებს შორის ებმება. მამაკაცები განსაკუთრებულად რეაგირებენ ახალგაზრდა და ლამაზ ქალებზე.

ქალებს კი ძალაუფლება, ფინანსური მხარე და იმის შესაძლებლობა იზიდავთ, რომ მათ შვილებს "მომვლელი" ჰყავდეთ. ამასთანავე, მართვის ამერიკული ასოციაციის მონაცემებით, სამსახურებრივი რომანების ნახევარზე მეტი შემთხვევა უფრო მტკიცე ურთიერთობით ან ქორწინებით მთავრდება.


მომზადებულია newsru.com-ის მიხედვით.