ბორის ბერეზოვსკიმ ლონდონის უმაღლეს სასამართლოში რუსულ ტელეარხს საქმე მოუგო. სასამართლომ დაადგინა, რომ ტელეკომპანია РТР-ზე გასულ გადაცემაში ბიზნესმენის მიმართ ცრუ ბრალდებებმა გაიჟღერა.
”ბი-ბი-სი”-ს ცნობით, ტელეარხს კომპენსაციის სახით 150 ათასი გირვანქა სტერლინგის გადახდა დაეკისრა.
ლონდონის უმაღლეს სასამართლოს ბორის ბერეზოვსკიმ განცხადებით 2007 წელს მიმართა. ბიზნესმენი აპროტესტებდა ტელეარხით გადაცემულ პროგრამაში გაჟღერებულ ბრალდებებს იმის თაობაზე, თითქოს რუსეთის უშიშროების ყოფილი ოფიცრის ალექსანდრ ლიტვინენკოს მკვლელობის უკან ის იდგა.
ბორის ბერეზოვსკი კმაყოფილი დარჩა ლონდონის სასამართლოს გადაწყვეტილებით.
მომზადებულია bbc.co.uk-ის მიხედვით.
15:53 / 10-03-2010
ბორის ბერეზოვსკიმ РТР-ს საქმე მოუგო
