7 მარტს ლოს-ანჯელესში ”ოსკარით” დაჯილდოვების 82-ე ცერემონია გაიმართა. 2009 წლის საუკეთესო ფილმად ”ქარიშხლის მბრძანებელი” აღიარეს.
ერაყის ომის შესახებ გადაღებულ ფილმს ამერიკული კინოაკადემიის ექვსი ათასი წევრიდან უმრავლესობამ მისცა ხმა.

წლევანდელი ”ოსკარის” მთავარი ინტრიგა ”ქარიშხლის მბრძანებლისა” და ”ავატარის” დაპირისპირება იყო. ორივე მათგანი 9 ნომინაციაზე იყო წარდგენილი.

მცირებიუჯეტიანმა ”ქარიშხლის მბრძანებელმა” კინოგაქირავების შედეგად 15 მლნ დოლარი შემოიტანა. ”ავატარი” კი ტექნოლოგიურ საოცრებად აღიარეს და მან შემქმნელებს რეკორდული შემოსავალი - 2 მლრდ დოლარი - მოუტანა.

ფილმების შეჯიბრს სიმწვავეს ისიც უმატებდა, რომ მათი რეჟისორები - კეტრინ ბოგელოუ და ჯეიმს კამერონი ყოფილი მეუღლეები არიან.
”ქარიშხლის მბრძანებელმა” კიდევ 5 ”ოსკარი” მოიპოვა, მათ შორის საუკეთეო რეჟისურისა და ორიგინალური სცენარის ნომინაციებში.

კინოს სამყაროში მთავარი ჯილდოს გადაცემის ისტორიაში ”საუკეთესო ფილმის” ნომინაციაზე 5 ფილმის ნაცვლად, წელს პირველად იყო წარდგენილი 10 ფილმი.

ნომინაციები და გამარჯვებულები:

1.მამაკაცის როლის საუკეთესო შემსრულებელი - კრისტოფერ ვალცი
2.საუკეთესო სრულმეტრაჟიანი ანიმაციური ფილმი - პიტ დოკტერი
3. ფილმისთვის შექმნილი საუკეთესო სიმღერა - The Weary Kind
4. საუკეთესო ორიგინალური სცენარის ავტორი - მარკ ბოალ (”ქარიშხლის მბრძანებელი”)
5. საუკეთესო მოკლემეტრაჟიანი ანიმაციური ფილმის რეჟისორი - ნიკოლას შმერკინი ”ლოგორამა”
6. საუკეთესო მოკლემეტრაჟიანი დოკუმენტური ფილმი - ”ახალმოსახლეები” (იოაჰიმ ბაკი და ტივი მაგნუსონი)
7. ქალის როლის საუკეთესო შემსრულებელი - მონიკი (”ძვირფასი”)
8. საუკეთესო ადაპტირებული სცენარის ავტორი - ჯეფრი ფლეტჩერი (”ძვირფასი”)
9. საუკეთესო მხატვრული ხელმძღვანელობა - ”ავატარი” (რიკ  კარტერი და რობერტ სტრომბერგი; დეკორატორი კიმ სინკლეირი)
10. საუკეთესო დიზაინის კოსტიუმები - ”ახალგაზრდა ვიქტორია (სენდი პაუელი)
11. ქალის როლის საუკეთესო შემსრულებელი -  სანდრა ბალოკი (”უხილავი სამყარო”)
12. საკეთესო რეჟისურა - კეტრინ ბიგელოუ (”ქარიშხლის მბრძანებელი”)
13. მამაკაცის როლის საუკეთესო შემსრულებელი - ჯეფ ბრიჯესი (”განუსჯელი გული”)
14. საუკეთესო უცხოური ფილმი - ”მათი თვალების საიდუმლო”


მომზადებულია bbc.co.uk-ის მიხედვით.