მსახიობთან ერთად, რომელიც ცნობილია ყაზახი ჟურნალისტის ბორატისა და ავსტრიელი გეის ბრუნოს სკანდალური როლებით, პრიზებს დაარიგებენ ბენ სტილერი, ზაკ ეფრონი, მაილი საირუსი და სხვა ვარსკვლავები. თანაც, თუ საშა ბარონ კოენი ამ საქმეში ახალბედაა, სტილერი უკვე ხუთჯერ მონაწილეობდა ცერემონიებში, მსახიობისა და კომიკოს ტინა ფეის დებიუტი კი შარშანდელ "ოსკარზე" შედგა.
გავრცელებული ხმების თანახმად, ცერემონიის პროდიუსერებს თავდაპირველად საშა ბარონ კოენი საზეიმო ცერემონიის წამყვანად სურდათ, თუმცა ამერიკის კინოაკადემია ამ იდეით არ აღფრთოვანდა. ასე რომ, კოდაკის თეატრში გამართული საზეიმო ღონისძიების წამყვანები ალეკ ბოლდუინი და სტივ მარტინი იქნებიან.
სავარაუდოდ, ძირითადი ორთაბრძოლა მთავარი პრიზებისთვის წელს ჯეიმს კამერონის "ავატარსა" და კეტრინ ბიგელოუს სამხედრო დრამა "ქარიშხლების მბრძანებელს" შორის გაიმართება.
ჟურნალი "რეიტინგი"
(გამოდის ორშაბათობით)
