ტელესერიალ "კლინიკის" ჩვენების შეწყვეტამ მაყურებელს გული დასწყვიტა. თუმცა რეჟისორმა გიორგი ლიფონავამ გადამღებ ჯგუფთან ერთად გადაწყვიტა ტელესერიალი ფილმად ექცია.

- "კლინიკას" ბევრი მაყურებელი ჰყავდა, მათ გულს არ დავწყვეტთ და შეძლებისდაგვარად გავახარებთ კიდეც. თუმცა ტელესერიალის ფილმად გადაღებაში კომერციული ინტერესიც დევს.

- გადაღება დაწყებულია?
- ჯერ სცენარზე ვმუშაობთ და გადაღებასაც მალე დავიწყებთ. სავარაუდოდ, აპრილის ბოლოს პრემიერაც გაიმართება.

- ისევ ის მსახიობები ითამაშებენ ფილმში?
- სავარაუდოდ.

- რატომ შეწყდა ტელესერიალის გადაღება?
- "კლინიკა" "იმედის" ყველაზე ძვირად ღირებული პროექტი იყო. ვინაიდან საკმარისი ფინანსები ვეღარ მოვიძიეთ, შევწყვიტეთ გადაღება.

- ფილმის გადაღებაც ხომ საკმაოდ ძვირი დაჯდება?
- დიახ. სამაგიეროდ, იმედი გვაქვს, რომ კინოთეატრებში ვაჩვენებთ და ხარჯებს ნაწილობრივ მაინც ავინაზღაურებთ.

ნინო მაისურაძე

ყოველკვირეული გაზეთი ”ყველა სიახლე”
(გამოდის ხუთშაბათობით)