ახალგორის რუსულ საშუალო სკოლაში შესაძლოა, ქართული ენის სწავლება გააუქმონ. ამის შესახებ "ინტერპრესნიუსს" ახალგორის მოსახლეობამ აცნობა.
"რუსულ სკოლაში ადგილობრივებთან ერთად რუსი სამხედრო მოსამსახურეების შვილები სწავლობენ. სკოლაში მასწავლებლებს უკვე გამოუცხადეს, რომ ქართული ენისა და ლიტერატურის სწავლების გაუქმება იგეგმება. შესაძლოა, გაუქმებული საათები რუსული ენის საათებს დაემატოს. რუსულ სკოლაში სწავლება რუსეთის განათლების სამინისტროს პროგრამით მიმდინარეობს და სახელმძღვანელოებიც რუსეთიდან ჩამოიტანეს. ქართულ სკოლაში კი, მოსწავლეები საქართველოს განათლების სამინისტროს პროგრამით სწავლობენ", - განაცხადეს ახალგორელებმა.
მათივე ინფორამაციით, დღეისთვის რუსულ სკოლაში უფრო მეტი მოსწავლე სწავლობს, ვიდრე - ქართულ სკოლაში, სადაც წელს მხოლოდ ერთი პირველკლასელია.
"შესაძლოა, კითხვის ნიშნის ქვეშ დადგეს ბავშვთა სახლის არსებობაც, რადგან იქ მხოლოდ 8 ბავშვი ცხოვრობს, რომელთა უმეტესობა კვაისელები არიან", - განაცხადეს ახალგორელებმა.
"ინტერპრესნიუსი"
16:37 / 01-09-2010
ახალგორის რუსულ სკოლაში შესაძლოა, ქართული ენის სწავლება გააუქმონ
