გალის რაიონის სოფელ კოხორაში, რუსულ სამხედრო ბაზაზე აფეთქება მოხდა. ამის შესახებ "ინტერპრესნიუსს" სამეგრელო-ზემო სვანეთში აფხაზეთის ლეგიტიმური მთავრობის წარმომადგენელმა, თორნიკე კილანავამ აცნობა.
"ჩვენ ხელთ არსებული ინფორმაციით, აფეთქება, დაახლოებით, სამხედრო ნაწილის ტერიტორიაზე მოხდა. ამ დროისთვის არ გვაქვს ინფორმაცია, მოჰყვა თუ არა აფეთქებას მსხვერპლი", - განაცხადა კილანავამ.
მისივე თქმით, აფეთქების შედეგად გაჩენილი ხანძრის ჩაქრობა ამ დრომდე ვერ ხერხდება.
"ინტერპრესნიუსი"
15:42 / 01-09-2010
გალის რაიონში რუსულ სამხედრო ბაზაზე აფეთქება მოხდა
