გორის რაიონის სოფელ კირბალის ორი მკვიდრი – ბექა და ვაჟა თაყაძეები ცხინვალის რეჟიმს ამ დრომდე დაკავებული ჰყავს.
ამის შესახებ “ინტერპრესნიუსს” პოლიციის შიდა ქართლის სამხარეო სამმართველოს უფროსმა, ვლადიმერ ჯუღელმა განუცხადა.
“მათ შესახებ ჯერ ახალი არაფერია ცნობილი. ოსური მხარე ამ საკითხთან დაკავშირებით კონტაქტზე არ გამოდის”, - აღნიშნა ჯუღელმა.
18 წლის ბექა და 24 წლის ვაჟა თაყაძეები რუსმა ოკუპანტებმა, დაახლოებით, სამი დღის წინ დააკავეს. ისინი 22 თებერვალს სანადიროდ გავიდნენ და უკან აღარ დაბრუნებულან.
დაკავებულები, სავარაუდოდ, წინაგარას მილიციის განყოფილებაში ჰყავთ გადაყვანილი და მათ ე.წ. სამხრეთ ოსეთის სახელმწიფო საზღვრის დარღვევაში ადანაშაულებენ.
"ინტერპრესნიუსი"
13:06 / 25-02-2010
სოფელ კირბალის ორი მკვიდრი ცხინვალის რეჟიმს ჰყავს დაკავებული
