როგორც საინფორმაციო სააგენტო "აპსნი პრესი" იუწყება, ამის შესახებ ხაჯიმბამ დღეს გამართულ პრესკონფერენციაზე განაცხადა. მისი თქმით, არ უნდა დაადანაშაულონ მხოლოდ მიხეილ სააკაშვილი, რომელიც "აფხაზეთისა და სამხრეთ ოსეთის მიმართ უპასუხისმგებლო ქმედებებით ცნობილია".
ხაჯიმბას არასწორად მიაჩნია მიდგომა, რომ ორ ქვეყანას შორის კონფლიქტში მხოლოდ ერთი ადამიანია დამნაშავე და რომ პრობლემის გადაჭრა მხოლოდ პოლიტიკური არენიდან მისი წასვლის შემდეგ არის შესაძლებელი. "იმის მიუხედავად, თუ ვინ იქნება საქართველოს ხელისუფლებაში, ამ ქვეყანამ ძალის გამოყენებაზე უარი უნდა თქვას, აღიაროს აფხაზეთის დამოუკიდებლობა და სამშვიდობო შეთანხმება გააფორმოს", - განაცხადა ხაჯიმბამ.
"ინტერპრესნიუსი"
19:30 / 23-02-2010
რაულ ხაჯიმბა - აფხაზეთის კონფლიქტში მხოლოდ მიხეილ სააკაშვილი არ უნდა დაადანაშაულონ
