კომპანია Infiniti ჟენევაში კროსოვერ EX-ისა და FX-ის დიზელის ვერსიებს წარადგენს. ორივე მოდელს ერთნაირი - 3-ლიტრიანი, 238 ცხ.ძ. სიმძლავრის ტურბოდიზელი ექნება. ისინი სიჩქარის გადაცემათა 7-საფეხურიანი ავტომატური კოლოფით აღიჭურვება. უფრო კომპაქტური EX30 100 კმ/სთ სიჩქარეს 7,9 წამში განავითარებს, ხოლო FX30D - 8,3 წამში.

ამ ავტომობილების მიერ საწვავის ხარჯი 100 კმ-ზე 8,4 და 9 ლიტრია. ახალი მოტორის დასაყენებლად ორივე მოდელის ძრავას სათავსი გადააკეთეს და ახალი ბამპერები შეიმუშავეს, რაც კაპოტის შიგნითა სივრცეს საუკეთესო ვენტილაციით უზრუნველყოფს. მოგვიანებით, ეს ტურბოდიზელი სედან Infiniti M-ზე გამოჩნდება.   


ალექსი რეხვიაშვილი
ჟურნალი ”გზა”
(გამოდის ხუთშაბათობით)