საერთაშორისო პრემიის - "2010 წლის მსოფლიოს საუკეთესო ავტომობილი" - ორგანიზატორებმა 10 მანქანისგან შემდგარი ფინალისტთა სია გამოაქვეყნეს. გამოკითხვაში მონაწილე 31 მოდელიდან, კონკურსის ჟიურიმ ამოირჩია: Audi Q5, BMW X1, Chevrolet Cruze, Kia Soul, Mazda3, Mercedes-Benz E-Class, Opel (Vauxhall) Insignia, Porcshe Panamera, Toyota Prius და Volkswagen Polo.

ამასთან, გამოქვეყნდა "მსოფლიოს წლის საუკეთესო სპორტული ავტომობილის" ნომინაციის ფინალისტთა ჩამონათვალიც: Aston Martin V12 Vantage, Audi R8 V10, Audi TT RS, BMW Z4, Ferrari California, Jaguar XFR, Lotus Evora, Mercedes-Benz E 63 AMG, Nissan 370Z, Porsche 911 GT3 და Porsche Boxter/Cayman.

წლის საუკეთესო "მწვანე" მანქანის ნომინაციაში Ford Fusion Hybrid, Honda Insight, Mercedes-Benz S400 Hybrid, Toyota Prius და Volkswagen-is BlueMotion-ის სერიის მოდელები - Golf, Passat და Polo - არიან წარმოდგენილი.

გარდა ამისა, ჟიურიმ შეარჩია პრეტენდენტები კატეგორიაში - "საუკეთესო დიზაინი". მასში პირველი ადგილისთვის იბრძოლებენ Chevrolet Camaro, Citroen C3 Picasso, Kia Soul და Toyota Prius. თითოეულ ნომინაციაში გამარჯვებულ მოდელს მიმდინარე წლის აპრილში, ნიუ-იორკის მოტორშოუზე 45 საავტომობილო ჟურნალისტისგან შემდგარი ჟიური გამოაცხადებს.


ალექსი რეხვიაშვილი
ჟურნალი ”გზა”
(გამოდის ხუთშაბათობით)