მარტის დასაწყისში, ჟენევის საერთაშორისო მოტორშოუზე კომპანია შუბარუ ახალი მოდელის წარმოდგენას გეგმავს, რომელიც კროსოვერ Impreza-ს ბაზაზეა აწყობილი.

მის სახელწოდებაში დამატებითი ინდექსი - XV გაჩნდება. სავარაუდოდ, სიახლე უნივერსალ Subaru legacy Outback-ის არასაგზაო ვერსიის მსგავსი სტილისტიკით შეიქმნება. ასეთი ავტომობილის გაბარიტული სიგრძე 4,43, სიგანე - 1,77, ხოლო სიმაღლე 1,52 მეტრია, რაც შესაბამისად, 1,3 და 4 მმ-ით მეტია, ვიდრე ჰეჩბეკისძარიანი "იმპრეზისა".

წინასწარი ინფორმაციით, Subaru Impreza-ს გაფართოებული გზის ხედვა, რადიატორის განსხვავებული ცხაური და საბარგულზე სპოილერი ექნება. ახალი კროსოვერი, რომელსაც ჟენევაში ჩაიტანენ, 150 ცხ.ძ.

სიმძლავრის 2-ლიტრიანი ბენზინის ძრავათია აღჭურვილი. სხვათა შორის, კლიენტებს დიზელისმოტორიანი მანქანის შეკვეთის შესაძლებლობაც ექნებათ. ჯერჯერობით, Impeza XV-ის ტექნიკური და დინამიკური მაჩვენებლების შესახებ დეტალური ინფორმაცია არ ვრცელდება.   


ალექსი რეხვიაშვილი
ჟურნალი ”გზა”
(გამოდის ხუთშაბათობით)