კომპანია Infinit კროსოვერის - FX – FX Limited Edition- შეზღუდულ პარტიას გამოუშვებს. სავარაუდოდ, მანქანა 100 ეგზემპლარად გამოვა. ლიმიტირებული Infinit  ხელმისაწვდომი იქნება FX37S და FX50S (შესაბამისად, 6 და 8-ცილინდრიანი მოტორებით) ვერსიებად.

ამ მანქანებს შავი ძარა და უნიკალური დიზაინის 21-დუიმიანი ბორბლების დისკები გამოარჩევს. ოპციის სახით გამოვა თეთრძარიანი ავტომობილებიც. გარდა ამისა, FX Limited Edition-ის ასივე ეგზემპლარს დამატებითი ხელსაწყოების მდიდარი კრებული ექნება, მათ შორის, მულტიმედიური კომპლექსი 10-გიგაბიტიანი მყარი დისკით, Bose-ს 11-დინამიკიანი აკუსტიკით, ალკანტარით გაწყობილი სავარძლებითა და სალონში კარბონის დეტალებით.

როგორც ცნობილია, სპეციალური სერიის 18 ავტომობილი დიდი ბრიტანეთის ბაზარზე მოხვდება.

ჟურნალი ”გზა”
(გამოდის ხუთშაბათობით)